طريقه عمل البريوش للفطار فى العيد

البريوش

المقادير

4 كوب دقيق (أنا أستخدمت 5 كوب دقيق) حتعرفوا ليه...
كوب زبدة ومقطعه مكعبات (أنا استخدمت زبدة من اللى سيحتها)
5 بيض
ربع كوب سكر خرز
نصف كوب ماء دافى للعجن
3 ملاعق خميرة فوريه (أنا أستخدمت خميرة بيرة)
نصف ملعقه صغيرة ملح
بشر برتقالة ورشة قرفه

الطريقه

تخمر الخميرة مع السكر والماء حتى الفوران وتترك 10 دقائق
يوضع الدقيق وملح والسكر والخميرة فى طبق العجن
يضاف البيض واحدة واحدة ونعجن
تضاف الزبدة ثم يضاف الماء ملعقه ملعقه ونعجن
الى ان تتشكل عجينه ملساء
تغطى العجينه وتوضع فى الثلاجه لمدة 3 ساعات
نخرج الهواء من العجينه يعنى نعجنها تانى وتغطى وتترك نصف ساعة
تقطع وتشكل ويدهن الوجه بالبيض ويرش عليه سكر خرز
وتترك ساعة لتخمر
و تخبز فى فرن 200 لمدة نصف - تلات ارباع الساعه او على حسب فرنك

ملاحظاتى وأضافاتى
1- أنا ضربت السكر والبيض فى الخلاط ووضعتهم على الدقيق
2-وانا بأعجن لقيت ان العجين محتاج دقيق
حسيت أن الزبدة كتير ...حطيت كوب دقيق يبقى كده 5 كوب دقيق أعتقد بسبب أنى استخدمت الزبدة مش مكعبات
3- لم أستخدم كمية الماء كلها .. يجب أن تعجن جيدأً
4- عند التشكيل فردتها ...ولفيت جزء صغير زى السويسرول ...وبعدين عملتها بشكل حلزونى ..عملتها صغيرة لانها كبرت لما خمرت
5- قبل الخبز ...وضعت سكر على الوجه ثم دهنت بيض ...ووضعت سكر مرة أخرى ..شوفت الفكرة دى فى مكان ما
6- مدة الخبز نصف ساعة بالضبط فى درجة حرارة 200 مئوية
7- طلعت هشة ما شاء الله ...والرائحة رائعه والطعم حكاية